Microsoft ទើបតែប្រកាសសេវាកម្ម webmail ថ្មីសុទ្ធសាធ Outlook. com ជាមួយចំណុចប្រទាក់គ្នាយ៉ាងទំនើប និងលទ្ធភាពទ្រទ្រង់ដល់ អ្នកប្រើប្រាស់សម្រាប់តាមដានរាល់ពត៌មានថ្មីនៅលើ Facebook , Twitter, Google..ចំនៅក្នុងប្រអប់សំបុត្រ ។ ជិតមួយទសវត្សរិ៍កន្លងទៅ Hotmail ធ្លាប់ជាសេវាកម្មសំបុត្រអេទ្បិចត្រូនិចលំដាប់លេខ ១ នៅលើពិភពលោក ។ ប៉ុន្តែក្រោយពេល Google ឧទ្ទេសនាម Gmail និង Yahoo ធ្វើឲ្យប្រសើរទ្បើងជាលំដាប់ Hotmail ក៏បាត់តួនាទីនាំមុខគេ ។
Outlook.com គឺជាដំណាក់កាលរុសរើថ្មីបំផុតរបស់ Microsoft សម្រាប់ webmail ។ ប្រព័ន្ធនេះមានចំណុចប្រទាក់ Metro ភ្លឺថ្លានិងងាយស្រួលសម្រាប់អ្នកប្រើ ។ អាស្រ័យហេតុនេះចំនួនសារបានលាតត្រដាងកើនទ្បើង 30% និង Microsoft ក៏បានកាត់បន្ថយខ្លះៗ ការផ្សាយពាណិជ្ជកម្មកុំឲ្យចង្អៀតលើផ្ទៃអេក្រង់ ។
Chris Jones សមាជិកក្រុមអភិវឌ្ឍន៍ Outlook បានសរសេរនៅលើ blog របស់ Microsoft ថា “ យើងខ្ញុំកត់សម្គាល់ឃើញថា ត្រូវអនុវត្តន៍បោះជំហានទៅមុខជាដាច់ខាត ផ្លោះរំលងអតីតកាល ដើម្បីនាំមកដល់អ្នកប្រើប្រាស់នូវសេវាកម្មយ៉ាងថ្មីបំផុត ” ។
មានការផ្លាស់ប្តូរមួយគួរចាប់អារម្មណ៍ក្នុងការរួមបញ្ចូលបណ្តាញសង្គម ។ ក្រៅពីប្រអប់សំបុត្រ e-mail ធម្មតា អ្នកប្រើប្រាស់ក៏អាចមើលខ្លឹមសារនៃ Facebook, Google, Twitter និង LinkedIn ។ Microsoft ក៏បានបញ្ជូន Skype ចូល Outlook និងផ្តល់តួនាទីដូច Google Talk ក្នុង Gmail ។
ទន្ទឹងនោះ Outlook បានផ្ទុកកំណែនានាសកម្មភាពនៅលើ web នៃ Word, Excel, PowerPoint និង OneNote រួមជាមួយឃ្លាំងរក្សាទុកឯកសារតាមរយៈ SkyDrive ។ទោះបីផ្លាស់ប្តូរសេវាកម្ម អ្នកប្រើ Hotmail ក៏អាចរក្សាបាននូវអាស័យដ្ឋានរបស់គេ ដូចជា @hotmail.com, @live.com, @msn.com រួមជាមួយបញ្ជីទំនាក់ទំនង និងបង្កើតតាមរបៀបចាស់មុននឹងផ្ទេរទៅសេវាកម្ម ៕
No comments:
Post a Comment